हिंदुसम्राट न्यूज
दिनांक :-23/6/2026
"उरण विधानसभा शिवसेना अल्पसंख्यांक विभागाच्या अध्यक्षपदी तबरेज अझीम शेख; वक्फ बोर्ड अध्यक्ष समीर काझी यांच्या हस्ते नियुक्तीपत्र प्रदान"
पत्रकार / पूजा चव्हाण.
उरण, दि. 23 जून 2026
शिवसेना पक्षाच्या अल्पसंख्यांक विभागाची उरण विधानसभा क्षेत्रातील संघटनात्मक बांधणी अधिक मजबूत करण्यासाठी तबरेज अझीम शेख यांची उरण विधानसभा शिवसेना अल्पसंख्यांक विभाग अध्यक्षपदी निवड करण्यात आली आहे. महाराष्ट्र राज्य वक्फ बोर्डाचे अध्यक्ष तथा शिवसेना अल्पसंख्यांक विभागाचे राज्य कार्याध्यक्ष मा.ना. समीर गुलामनबी काझी यांच्या हस्ते तबरेज शेख यांना नुकतेच नियुक्तीपत्र प्रदान करण्यात आले. या निवडीबद्दल शिवसेना उरण शहर प्रमुख सुलेमान शेख यांच्यासह स्थानिक पदाधिकाऱ्यांनी तबरेज अझीम शेख यांचे हार्दिक अभिनंदन केले आहे. उरण विधानसभा क्षेत्रात अल्पसंख्यांक समाजाचे प्रश्न सोडवण्यासाठी आणि पक्ष संघटन वाढवण्यासाठी तबरेज शेख यांची निवड महत्त्वाची मानली जात आहे.
मा. समीर गुलामनबी काझी हे सध्या महाराष्ट्र राज्य वक्फ बोर्डाचे अध्यक्ष असून ते शिवसेना अल्पसंख्यांक विभागाचे राज्य कार्याध्यक्ष म्हणूनही कार्यरत आहेत. वक्फ बोर्डाच्या माध्यमातून ते राज्यभरातील वक्फ मालमत्तांचे संरक्षण, तंटामुक्ती समाज निर्माण करणे आणि जमिनी कायदेशीर पद्धतीने ताब्यात घेण्यासाठी प्रयत्नशील आहेत. वक्फ बोर्डाच्या एक लाख एकर जमिनीपैकी मराठवाड्यात 70 हजार एकर जमीन असून मुंबई, नागपूर सारख्या ठिकाणी देखील मौल्यवान जमिनी आहेत. वक्फ बोर्डाचे अध्यक्ष समीर काझी यांनी नुकताच बीड जिल्ह्यातील परळी येथे जाऊन मयत तोहिद खान यांच्या कुटुंबीयांची सांत्वनपर भेट घेतली होती व पीडित कुटुंबाला एक लाख रुपयांची आर्थिक मदत जाहीर केली होती.
उरण विधानसभा क्षेत्रातील अल्पसंख्यांक समाजाला शिवसेनेच्या मुख्य प्रवाहात आणणे, त्यांचे शैक्षणिक, सामाजिक व आर्थिक प्रश्न शासन दरबारी मांडणे आणि पक्षवाढीसाठी काम करणे ही जबाबदारी आता तबरेज अझीम शेख यांच्यावर सोपवण्यात आली आहे. नियुक्तीनंतर तबरेज शेख म्हणाले की, "वक्फ बोर्ड अध्यक्ष समीर काझी साहेब व शिवसेना नेतृत्वाने माझ्यावर जो विश्वास टाकला आहे, त्याला मी नक्कीच पात्र ठरेन. उरणमधील अल्पसंख्यांक बांधवांच्या प्रत्येक अडचणीत मी त्यांच्या सोबत उभा राहील." शिवसेना पक्षप्रमुख वंदनीय बाळासाहेब ठाकरे आणि धर्मवीर आनंद दिघे यांच्या विचारांवर चालणाऱ्या शिवसेनेत अल्पसंख्यांक विभागाला विशेष महत्त्व दिले जात आहे. राज्यात मुख्यमंत्री एकनाथ शिंदे यांच्या नेतृत्वाखाली अल्पसंख्यांक समाजाच्या विकासासाठी विविध योजना राबवल्या जात आहेत. तबरेज शेख यांच्या निवडीमुळे उरण तालुक्यात शिवसेना अल्पसंख्यांक विभागाला नवी ऊर्जा मिळेल, असा विश्वास शिवसेना शहर प्रमुख सुलेमान शेख यांनी व्यक्त केला.
