हिंदुसम्राट न्यूज
दिनांक :- 16/5/2026
वहाळच्या साई दरबारी सेवेचा महायज्ञ : महेंद्र शेठ घरत यांच्या हस्ते अन्नदानासह गुणवंत विद्यार्थिनीचा गौरव.
पत्रकार / पूजा चव्हाण.
*वहाळ, उरण, दि. १४ : दानशूर व्यक्तिमत्त्व म्हणून ओळख असलेले रायगड जिल्हा काँग्रेसचे अध्यक्ष व कामगार नेते महेंद्र शेठ घरत यांच्या हस्ते वहाळ येथील श्री साई मंदिरात गुरुवारी दि. १४/०५/२०२६ रोजी अन्नदान व गुणवंतांचा सत्कार सोहळा संपन्न झाला. गेली अनेक वर्षे दर गुरुवारी सायंकाळी ७ वाजता येथे अन्नदानाची परंपरा महेंद्र शेठ घरत अविरतपणे जपत आहेत.
वहाळ येथील साई मंदिर हे नेहमीच भक्तगणांनी गजबजलेले असते. येथे विविध संस्थांकडून अन्नदान होत असले तरी दर गुरुवारी सायंकाळी ७ वाजता होणारे महाप्रसादाचे आयोजन विशेषत्वाने महेंद्र शेठ घरत यांच्या वतीने केले जाते. त्याचवेळी उपस्थित असलेल्या विविध क्षेत्रातील गुणवंत व्यक्ती, विद्यार्थी-विद्यार्थिनींचा सन्मानही त्यांच्या हस्ते केला जातो.
*काकड आरती व गुणवंत नातीचा सत्कार*
आजच्या काकड आरती व मंगल स्नानाचा मान श्री जयवंत गंगाराम पाटील (बोकडवीरा) यांच्या कुटुंबाला मिळाला. त्यांची मुले, सुना व नातवंडे यांच्या हस्ते साई सेवा अर्पण करण्यात आली. यावेळी श्री पाटील यांची नात, जिने दहावीच्या परीक्षेत ८६% गुण मिळवून घवघवीत यश संपादन केले, तिचा महेंद्र शेठ घरत यांच्या हस्ते शाल, श्रीफळ व सन्मानचिन्ह देऊन गौरव करण्यात आला.
*‘रक्तदान व अन्नदान हे सर्वश्रेष्ठ पुण्य’*
महेंद्र शेठ घरत हे राजकीय व सामाजिक क्षेत्रात समतोल साधणारे बहुआयामी व्यक्तिमत्त्व म्हणून ओळखले जातात. यापूर्वीही त्यांनी साई मंदिरात रक्तदान शिबिरात स्वतः रक्तदान करून “रक्तदान व अन्नदान हे सर्वश्रेष्ठ पुण्याचे काम आहे” असा संदेश दिला होता. “साई मंदिराच्या व्यासपीठावरून अनेक समाजोपयोगी उपक्रम राबवले जातात, ही कौतुकास्पद बाब आहे,” असे मत त्यांनी व्यक्त केले होते.
*अनेक वर्षांपासून अविरत सेवा*
महेंद्र शेठ घरत यांच्या हातून अनेक गरजवंतांची गरज भागवली जाते. वहाळ साई मंदिरात गेली कित्येक वर्षे ते दर गुरुवारी अन्नदानाचे मोठे कार्य करत आहेत. सायंकाळी ६ वाजता आरती झाल्यानंतर ७ वाजता महाप्रसादाचे वाटप केले जाते व भाविक मोठ्या संख्येने त्याचा लाभ घेतात.
*मान्यवरांची उपस्थिती*
या कार्यक्रमास देवस्थानचे अध्यक्ष रवीशेठ पाटील, माजी जिल्हा परिषद सदस्या सौ. पार्वतीताई पाटील, राष्ट्रवादीचे नेते भीमसेन माळी, विश्वस्त जगन शेठ पाटील, अनंत पाटील, मो. का. मढवी, विश्वास पाटील, एकनाथ ठाकूर आदींसह मोठ्या संख्येने साईभक्त उपस्थित होते.
वहाळ साई मंदिरात अन्नदानाबरोबरच रस्ता सुरक्षा, रक्तदान शिबिरे असे विविध उपक्रम राबवले जातात. महेंद्र शेठ घरत यांच्या दातृत्वामुळे व सामाजिक बांधिलकीमुळे उरण-पनवेल परिसरात त्यांना मानाचे स्थान प्राप्त झाले आहे.
सेवा, सत्कार आणि संस्कारांचा त्रिवेणी संगम साधणारा हा उपक्रम भाविकांसाठी प्रेरणादायी ठरत आहे.
